अन वेळे अगोदरच आज . . .

किती साम्य आहे
या डोळ्यात अन त्या मेघात,
दोघेही बरसतात
कोणाच्या तरी वेडात.

               तू दुरावलीस मजपासून

               अन तो या भू-पासून

               मज वेड तुझ्या प्रीतीचे

               अन त्यास भू-च्या भेटीचे

दोघांचाही विरह
दोघांस सोसवत नाही
अन दोघेही बरसतात
कोणाच्या तरी आठवणींत

               मज त्याने पाहिले

               अन सहज विचारले

               दोघांच्याही विरहात

               फरक काय आहे

मी त्याकडे पहिले
अन किंचित हसत म्हटले
माहित नाही मित्रा
पण एक सांगावेसे वाटते

               तुझा हा विरह

               काही काळाचा हा खेळ आहे

               अन माझा हा विरह

               ना शमणारी तहान आहे

तुझे बरसने हा
तुझ्या विरहाचा अंत असेल
अन माझे बरसने
माझ्या भावनांचा पूर असेल

               ऐकून माझे हे बोल 

               कदाचित तोही दुखावला 

               अन वेळे अगोदरच आज 

               तो पाऊस होऊन बरसला . . .